شوپیاں: پانی میں ڈوبنے سے فوجی اہلکار ہلاک

ہلاک شدہ فوجی اہلکار کی شناخت ارون کمار کے طور پر ہوئی ہے، جو پھٹھان کوٹ کا رہنے والا تھا۔

جنوبی کشمیر کے ضلع شوپیان میں پانی میں ڈھوب جانے سے ایک فوجی اہلکار ہلاک ہو گیا۔ مقامی لوگوں کے مطابق 62 راشٹریہ رائفلز کی ایک گشتی پارٹی ریشی نگری علاقے سے جا رہی تھی اور فوجی اہلکار ایک نالہ جسے نالہ ویشو کے نام سے جانا جاتا ہے سے گزری۔ اس دوران پانی کے تیز بہاؤ نے ایک فوجی اہلکار کو بہا لیا۔

مقامی لوگوں اور باقی ساتھیوں نے اگرچہ فوجی اہلکار کو پانی سے باہر نکال کر نزدیکی ہسپتال پہنچایا لیکن ڈاکٹر نے انہیں مردہ قرار دے دیا۔

ہلاک شدہ فوجی اہلکار کی شناخت ارن کمار کے طور پر ہوئی ہے، جو پھٹھان کوٹ کا رہنے والا تھا۔