جنوبی کشمیر کے شوپیان ضلع میں محکمہ انیمل ہسبنڈری کی جانب سے شرمال علاقے میں معلوماتی کیمپ کا انعقاد عمل میں لایا گیا۔ جس میں محکمہ کی ڈائریکٹر کے علاوہ دیگر افسران نے بھی شرکت کی۔
اس موقع پر مقررین نے محکمہ کی مختلف اسکیموں کے بارے میں لوگوں کو جانکاری فراہم کی۔ مقررین نے پولٹری اور ڈیری فارم شروع کرنے اور اس ضمن میں محکمہ کی جانب سے فراہم کیے جانے والے قرضے اور سبسڈی سے متعلق معلومات فراہم کی۔
محکمہ کی ڈائریکٹر پورنیما متتل نے بتایا کہ محکمہ ہذا کی جانب سے مختلف اسکیمیں وضع کی جا رہی ہیں تاہم لوگوں تک ایسی اسکیموں کے بارے میں معلومات کی خاطر ہی اس طرح کے پروگرامز کا انعقاد عمل میں لایا جاتا ہے۔
انہوں نے بتایا کہ محکمہ کی جانب سے کیمپ کے اختتام پر ضلع شوپیان میں ٹریکٹر اور ڈیری فارمنگ کے استعمال میں لائی جانے والی کئی گاڑیوں کو سبسڈی پر لوگوں کو فراہم کی گئیں۔
