شدید برفباری میں مسلمانوں نے پنڈت کی آخری رسومات ادا کی

برف باری کی وجہ سے باسکر ناتھ کے اہل خانہ کو اگرچہ آخری رسومات ادا کرنے میں دشواریوں کا سامنا کرنا پڑا تاہم ہمسایہ مسلمانوں نے بھی ہاتھ بٹاتے ہوئے انکی مدد کی اور ہندو مسلمانوں نے مل کر انکی آخری رسومات ادا کی۔

مرکز کے زیر انتظام علاقہ جموں و کشمیر کے ضلع شوپیان میں ہندو اور مسلمانوں کے مابین بھائی چارہ کی ایک انوکھی مثال ایک بار پھر دیکھنے کو ملی۔
یوں تو کشمیر میں بھائی چارے کی مثالیں آئے روز دیکھنے کو ملتی ہی رہتی ہیں، تاہم اس ٹھٹھرتی سردی اور شدید برف باری کے بیچ بھی ایسی مثال ملنا نہ صرف خوش آئند بلکہ قابل تقلید بھی ہے۔

ضلع شوپیان کے پڈگوچی علاقے میں کشمیر کی صدیوں پرانی مذہبی بھائی چارے کی روایت اس وقت پھر زندہ ہوئی ہے۔ جب علاقے میں ایک پنڈت باسکر ناتھ کا اج صبع کے وقت انتقال ہوگیا۔وہاں کے مقامی مسلمانوں نے دیگر کشمیری پنڈتوں کے ساتھ مل کر ان کی آخری رسومات ادا کرنے میں اہم کردار ادا کیا۔ مقامی مسلمان بھی باسکر ناتھ کی ارتھی اٹھانے میں پیش پیش رہے۔برف باری کی وجہ سے باسکر ناتھ کے اہل خانہ کو اگرچہ آخری رسومات ادا کرنے میں دشواریوں کا سامنا کرنا پڑا تاہم ہمسایہ مسلمانوں نے بھی ہاتھ بٹاتے ہوئے انکی مدد کی اور ہندو مسلمانوں نے مل کر انکی آخری رسومات ادا کی۔اہل خانہ نے مقامی مسلمانوں کی مدد سے ہر کام انجام دیا اور ان کا شکریہ بھی ادا کیا۔ اس طرح ایک بار پھر یہاں ہندو مسلم بھائی چارے کی مثال دیکھنے کو مل گئی ہے۔