سمبل کا گرلز ہائی اسکول 5 روز کے لیے بند

ریپڈ اینٹیجن ٹیسٹ علاقے کے مختلف اسکولوں میں کیے گئے تھے جس میں گرلز ہائی اسکول کے دو طلبا وائرس سے متاثر پائے گئے۔

سمبل کے گرلز ہائی اسکول میں کورونا وائرس سے دو طلبا مثبت پائے گئے تھے۔ اس کے بعد اسکول کو اگلے پانچ روز تک بند کرنے کا حکم جاری کیا گیا۔
اس سلسلے میں بلاک میڈیکل آفیسر (بی ایم او) حاجن ڈاکٹر اعجاز نے ای ٹی وی بھارت سے فون پر بات کرتے ہوئے کہا کہ 400 سے زیادہ ریپڈ اینٹیجن ٹیسٹ علاقے کے مختلف اسکولوں میں کیے گئے تھے جس میں گرلز ہائی اسکول کے دو طلبا وائرس سے متاثرہ پائے گئے۔

اس دوران سب ضلع مجسٹریٹ بشیر احمد لون نے مذکورہ اسکول کو اگلے پانچ روز تک احتیاطی طور پر بند رکھنے کے احکامات جاری کئے ہیں تاکہ وائرس کے مزید پھیلاؤ پر قابو پایا جاسکے ۔