جموں وکشمیر میں اتوار کی صبح سویرے زلزلہ کے ہلکے جھٹکے محسوس کیے گئے۔
ایک افسر نے بتایا ‘آج صبح ساڑھے چھ بجے محسوس کیے زلزلہ کی شدت ریختر پیمانہ پر 2.5 درج کی گئی۔ جنوبی کشمیر، ریاسی اور اس سے ملحق جموں علاقہ کے اضلاع میں زلزلہ کے ہلکے جھٹکے محسوس کیے گئے’۔
انہوں نے کہا ‘زلزلہ کا مرکز ریاسی ضلع کے کٹرہ قصبہ سے 82 کلومیٹر مشرق میں زمین کی سطح سے پانچ کلومیٹر کی گہرائی میں تھا۔ زلزلہ کی وجہ سے کسی طرح کے جان و مال کے نقصان کی اطلاع نہیں ہے’۔
بتا دیں کہ جموں کشمیر زلزلیاتی پیمانے پر سب سے زیادہ خطرناک پانچ اور چار زون میں آتا ہے۔
کشمیر یونیورسٹی کے وائس چانسلر اور ماہر ارضیات پروفیسر طلعت احمد نے حال ہی میں اپنے ایک انٹرویو کے دوران کہا کہ زون پانچ میں آنے والے علاقوں کو ہمیشہ ایک بڑے زلزلے کے لئے تیار رہنا چاہئے۔
جموں وکشمیر میں 8 اکتوبر 2005 کو ایک قیامت خیز زلزلے کے نتیجے میں ایل او سی کے آر پار زائد از 80 ہزار لوگوں کی موت واقع ہوئی تھی اور بے تحاشا مالی نقصان ہوا تھا۔ ریکٹر اسیکل پر اس زلزلے کی شدت 7.6 ریکارڈ ہوئی تھی۔
