لیفٹیننٹ گورنر منوج سنہا نے دیوالی سے قبل ماتا ویشنو دیوی کے سونے اور چاندی کے سکوں کو دنیا بھر کے لاکھوں عقیدت مندوں کے لئے جاری کیا۔
لیفٹیننٹ گورنر سنہا نے کہا کہ وہ خوش قسمت ہیں کہ انہیں ویشنو دیوی کے سکے جاری کرنے کا موقع ملا۔
سکوں کا حوالہ دیتے ہوئے لیفٹیننٹ گورنر نے کہا کہ پہاڑی اور مشکل راستہ ہونے کی وجہ سے کچھ لوگ وشنو دیوی کے درشن لے لئے نہیں آ پاتے، اسی بات کو مدنظر رکھ کر شرائن بورڈ نے سونے اور چاندی کے سکے جاری کرنے کا فیصلہ کیا، جو جموں اور دہلی میں دستیاب ہوں گے۔
شری ماتا ویشنو دیوی شرائن بورڈ (ایس ایم وی ڈی ایس بی) نے 2 گرام، 5 گرام اور 10 گرام سونے اور چاندی کے سکوں کو تیار کیا ہے۔
سکے کے نرخوں کا انحصار منتخب شدہ مالیت اور موجودہ سونے / چاندی کے نرخوں پر ہوگا۔
یہ بات قابل ذکر ہے کہ شری ماتا واشنو دیوی شرائن بورڈ نے حال ہی میں شری ماتا واشنو دیوی جی کے عقیدت مندوں کی سہولت کے لئے آن لائن درشن، پوجا پرساد کی ہوم ڈیلیوری اور موبائل ایپ جیسے بہت سے اقدامات شروع کیے ہیں۔
