رامبن: پہاڑی ضلع رام بن کے کرول علاقے میں اُس وقت سنسنی کا ماحول پھیل گیا جب امرتسر، پنجاب سے تعلق رکھنے والے دو افراد دریائے چناب میں غرقاب Two Persons Drowned in Chenab ہو گئے۔
اطلاعات کے مطابق ایک گاڑی، جس میں چار افراد سوار تھے، میں سے دو افراد گاڑی سے اتر کر عکس بندی کرنے لگے، اس دوران مبینہ طور ایک شخص کا پائوں پھسل گیا اور وہ دریا میں ڈوب گیا، جبکہ دوسرا شخص اسے بچانے کے لیے دریا میں کود گیا جبکہ دریا کا تیز بہائو Punjab Residents Drowned in Chenab دونوں کو بہا لے گیا۔
دونوں افراد کے زندہ بچنے کے امکانات کافی کم بتائے جا رہے ہیں۔ وہیں مقامی پولیس، انتظامیہ سمیت رضاکاروں نے موقع پر پہنچ کر غرقاب ہوئے دونوں افراد کو ڈھونڈ نکالنے کی کوشش شروع کر دی گئی ہے۔
غرقاب ہوئے افراد کی شناخت منجیت سنگھ ولد دلجیت سنگھ اور جتندر سنگھ ولد منگل سنگھ کے طور پر ہوئی ہے، دونوں امرتسر پنجاب کے رہنے والے ہیں۔
رام بن پولیس Ramban Police نے معاملہ درج کر کے مزید کارروائی شروع کی ہے۔
