رامبن: جموں و کشمیر کے ضلع رامبن میں گذشتہ شام اچانک تیز ہواؤں کی وجہ سے کئی مکانوں کے چھت گر گئے، جس کی وجہ سے کئی مکانوں کو نقصان پہنچا۔ وہیں فائر اینڈ ایمرجنسی سروسز بانیہال دفتر میں کھڑی گاڑیوں کو بھی جزوی طور پر نقصان پہنچا۔ جموں کشمیر میں پہلے ہی محکمہ موسمیات نے پیش گوئی کی تھی کہ جموں و کشمیر کے مختلف علاقوں میں تیز ہواؤں کی وجہ سے نقصان بھی ہو سکتا ہے اور لوگوں سے پہلے ہی احتیاط برتنے کی گزارش کی گئی تھی۔ Vehicle of Fire and Emergency Services Got Damaged in Banihal
وہیں میڈیا سے بات کرتے ہوئے فائر اینڈ ایمرجنسی محکمہ بانہال کے ملازمین نے کہا کہ تیز رفتار ہواؤں کی وجہ سے ایک گاڑی کو کافی نقصان پہنچا ہے، انہوں نے انتظامیہ سے اپیل کی کہ اب علاقہ کے لیے نئی گاڑی سینکسن کی جائے۔ واضح رہے کہ شمالی کشمیر ضلع بارہمولہ کے پٹن، سوپور اور بانڈی پورہ سمیت شمالی کشمیر کے مختلف علاقوں میں تیز ہواؤں کی وجہ سے درجنوں رہائشی مکانات، بجلی کی ترسیلی لائنوں کو نقصان پہنچا جب کہ کئی درخت جڑ سے اکھڑ گئے۔ کئی علاقوں میں شدید ژالہ باری نے پھل دار باغات کے درختوں کو بھی تباہ کر دیا۔ Winds Damage Vehicle of Fire and Emergency Services
یہ بھی پڑھیں:
Winds Damage House of Widow in Anantnag: اننت ناگ میں تیز آندھی سے بیوہ کا مکان منہدم
