رامبن میں سڑک حادثہ، ڈرائیور زخمی

جموں و کشمیر کے ضلع رامبن میں ایک سڑک حادثہ پیش آیا جس کے نتیجے میں ایک شخص زخمی ہو گیا۔

سرینگر جموں قومی شاہراہ پر ایک سڑک حادثہ میں ایک شخص شدید زخمی ہو گیا ہے۔

پولیس ذرائع نے بتایا کہ ایک گاڑی زیر نمبر HR61D-1177 جموں سے سرینگر کی جانب جا رہی تھی کہ اچانک شاہراہ کے ناشری کے مقام پر سڑک کے کنارے پلٹ گئی جس کے نتیجہ میں ڈرائیور نیتو سنگھ (37) ولد رتن لعل زخمی ہو گیا۔ انہیں فوری طور پر رامبن ہسپتال منتقل کیا گیا۔ زخمی ڈرائیور کا تعلق ضلح کٹھوعہ سے ہے۔

چندر کورٹ پولیس نے معاملہ درج کر کے تحقیقات شروع کردی ہے۔۔