رام بن: بس سٹینڈ اکھڑہال میں موسیقی پروگرام کا انعقاد

منتظمین کا کہنا ہے کہ ’’موسیقی پروگرام سے ہم یہ باور کرانا چاہتے ہیں کہ ملک کے دیگر خطوں کی طرح جموں و کشمیر خصوصا ضلع رام بن میں بھی صدیوں پرانا مذہبی بھائی چارہ قائم و دائم ہے۔‘‘

پہاڑی ضلع رام بن کے بس اسٹینڈ، اکھڑہال میں موسیقی پروگرام کا انعقاد عمل میں لایا گیا۔

موسیقی پروگرام میں علاقائی سطح پر بولی جانے والی زبانوں بشمول، ڈوگری، پوگل پرستانی، پنجابی زبانوں میں مختلف گلوکاروں نے نغمے گاکر سامعین کو محظوظ کیا۔

منتظمین کے مطابق موسیقی پوگرام کے انعقاد کا مقصد ہندو مسلم بھائے چارے کو مزید وسعت دینا ہے۔

ذرائع ابلاغ کے نمائندوں سے بات کرتے ہوئے منتظمین نے کہا کہ ’’موسیقی پروگرام سے ہم یہ باور کرانا چاہتے ہیں کہ ملک کے دیگر خطوں کی طرح جموں و کشمیر خصوصا ضلع رام بن میں بھی صدیوں پرانا مذہبی بھائی چارہ قائم و دائم ہے۔‘‘

انہوں نے کہا کہ صدیوں سے چلی آرہی مذہبی ہم آہنگی اور آپسی محبت کی روایت کو وہ نئی نسل تک بھی پہنچانا چاہتے ہیں۔

انہوں نے مزید کہا کہ موسیقی پروگرام کا مقصد علاقے میں ہندو مسلم بھائی چارے کو مزید مضبوط و مستحکم بنانا ہے۔