جموں وکشمیر کے پہاڑی ضلع رام بن میں محکمہ بجلی کی ایک ٹیم کے ساتھ دوران ڈیوٹی مبینہ طور بدسلوکی اور بدتمیزی کئے جانے پر جموں پاور ڈیولپمنٹ کارپوریشن لمیٹڈ (جے پی ڈی سی ایل) نے ایک صارف کے خلاف ایف آئی آر درج کیے جانے کا مطالبہ کیا ہے۔
رام بن پولیس کو دی گئی عرضی میں جے پی ڈی سی ایل نے دعویٰ کیا ہے کہ محکمہ کی ایک خصوصی ٹیم اسسٹنٹ ایگزیکٹو انجینئر رام بن کی قیادت میں رام بن میں بجلی تنصیب اور دیگر معاملات سے متعلق روٹین چیک اپ انجام دے رہی تھی جس دوران، انکے مطابق، ایک صارف نے ٹیم کے ساتھ ہتک آمیز اور نازیبا سلوک کرنے کے علاوہ زبان درازی بھی کی۔
مزید پڑھیں: بانہال میں گرینیڈ بلاسٹ، دو افراد زخمی
محکمہ نے پولیس اسٹیشن رام بن میں اس ضمن میں صارف کے خلاف ایف آئی آر درج کرنے سے متعلق تحریری طور شکایت کی ہے۔
دریں اثناء اس معاملے سے متعلق سماجی رابطہ گاہ پر ایک ویڈیو بھی وائرل ہوئی ہے۔
