دریائے چناب: ایک لاش برآمد

گذشتہ ماہ دریائے چناب میں غرقاب ہونے بوالے آٹھ مسافروں میں سے ایک کی لاش برآمد ہوئی ہے، سات لاشیں تاحال لاپتہ ہیں۔

جموں و کشمیر کے ضلع رامبن میں سرینگر- جموں قومی شاہراہ پر واقع دریائے چناب میں 31 اگست کو غرقآب ہونے والے آٹھ مسافروں میں سے ایک کی لاش ریاسی کے سلال پن بجلی پروجیکٹ ڈیم کے قریب سے بازیاب کر لی گی ہے۔

پولیس ذرائع کے مطابق ڈیم کے نزدیک دریا کے کنارے ایک عدم شناخت لاش ملنے کی خبر پولیس کو موصول ہوئی جس پر پولیس نے بچاؤ مہم کے ذریعے لاش کو ڈیم کنارے سے نکال کر ہسپتال منتقل کرایا۔

ہلاک شخص کی شناخت اس کے جیب میں موجود شناختی کارڈ کے ذریعے ہوئی، اطلاع کے مطابق یہ لاش رامبن حادثہ میں لاپتہ کانسٹیبل عاشق حسین ولد محمد یاسین گنائی ساکنہ چاڈورہ بڈگام 'آئی آر پی 16' بٹالین رامبن کی ہے۔

واضح رہے کہ 31 اگست کو ایک مسافر بردار گاڑی کے دریائے چناب میں بہنے سے آٹھ افراد لاپتہ ہوئے تھے ان مسافروں میں تین پولیس اہکار دو مقامی شہری، ایک ریلوے ملازم اور ایک ڈرائیور اب بھی لاپتہ ہیں۔