جموں و کشمیر کے ضلع رامبن میں پاور ہاوس سے راجگڑھ کی طرف جانے والی سڑک جسے پی ایم جی ایس وائی نے تعمیر کیا تھا، خستہ حالت میں ہے، لوگوں نے سڑک کی خستہ حالی پر انتظامیہ کے خلاف احتجاج کیا۔
مقامی لوگوں نے چوچھیتتر کےمقام پر محکمہ اور انتظامیہ کے خلاف نعرہ بازی کی۔
لوگوں نے کہا 'پاور ہاوس سے راجگڑھ تک پی ایم جی ایس وائی نے سڑک کا کام اچھے سے نہیں کیا ہے، سڑک بلکل تنگ ہے، گاڑیوں کاچلنا تو دور کی بات ہے، پیدل چلنے والوں کو بھی کافی مُشکلات کاسامنا کرنا پڑ رہا ہے'۔
احتجاجیوں نے ضلع انتظامیہ اور محکمہ پی ایم جی ایس وائی کے خلاف جم کر نعرہ بازی کی اور انتظامیہ سے مانگ کی کہ سڑک کی جلد مرمت کی جائے۔
جموں و کشمیر میں ان دنوں برسات کا موسم ہے، سڑکوں کے کنارے نالیاں صاف نہ ہونے کی وجہ سڑکوں پر پانی جمع ہو جاتا ہے، جس سے سڑکوں میں بڑے بڑے گڈھے پڑ جاتے ہیں، اس کے علاوہ کئی جگہوں پر سڑکوں کے کنارے نالیاں نہیں بنائی گئی ہیں، کہیں سڑک اچھے طریقے سے نہیں بنائی گئی ہیں، یہی سب وجوہات سڑکوں کو خستہ حالی کا شکار بناتی ہیں۔
