رامبن: سڑک حادثے میں ایک شخص ہلاک

جموں و کشمیر کے ضلع رامبن میں سڑک حادثے میں ایک شخص ہلاک ہو گیا ہے۔

اطلاعات کے مطابق سیلورہ کار گول سے رامبن کی جانب آ رہی تھی کہ اچانک منجہال پڑوگ کے مقام پر گاڑی ڈرائیور کے کنٹرول سے باہر ہو کر گہرے نالے میں جاگری۔

اس حادثے میں ڈرائیور عبدالرشید زرگر ولد غلام قادر زرگر موقع پر ہی ہلاک ہو گیا۔

پولیس نے لاش کو ضلع ہسپتال رامبن منتقل کیا اور قانونی کاروائی پوری کرنے کے بعد لاش وارثین کے سپرد کی جائے گی۔

دھرمکنڑ پولیس نے مقدمہ درج کر کے تحقیقات شروع کر دی ہے۔