جموں و کشمیر کے ضلع رامبن کے سب ضلع ہسپتال بانہال میں کانگریس کے قومی رہنما سلمان نظامی نے آکسیجن کنسنٹریٹر اور پی پی ای عطیہ کیا ہے۔
سلمان نظامی نے عالمی وبا کورونا وائرس سے نمٹنے کے لیے کنسنٹریٹر اپنے ذاتی خرچ سے فراہم کیا ہے۔ انہوں نے کہا کہ وہ پہلے اپنے آبائی ضلع رامبن میں آکسیجن کینسنٹریٹر اور پی پی ای کٹس سب ضلع ہسپتال کو واگزار کیے۔
اس موقع پر انہوں نے کہا کہ وہ سب ضلع ہسپتال گول، بٹوت اور ضلع ہسپتال رامبن کو بھی پی پی ای کٹ اور آکسیجن کنسنٹریٹر اپنے ذاتی خرچے سے مفت فراہم کریں گے۔
یہ بھی پڑھیں: بانہال: فوج نےکورونا ٹیکہ کاری کا اہتمام کیا
سلمان نظامی نے کہا کہ ان کی کوشش ہے کہ وہ اس وبا میں راشن کے علاوہ آکسیجن کنسنٹریٹر فراہم کریں گے، جس کی ابھی سخت ضرورت ہے۔ اس موقع پر بی ایم او بانہال ڈاکٹر رابعہ خان نے کانگریس لیڈر سلمان نظامی کا شکریہ ادا کیا۔
