سیری رامبن میں لینڈ سلائڈنگ، قومی شاہراہ بند

کشمیر کو ملک کے ساتھ جوڑنے والی قومی شاہراہ پر چٹانیں گر آنے کی وجہ سے اسے گاڑیوں کی آمد و رفت کے لئے بند کر دیا گیا ہے۔ تاہم انتظامیہ کا کہنا ہے کہ جلد ہی شاہراہ پر ٹریفک کو بحال کر دیا جائے گا۔

وادی کشمیر کو زمینی راستے سے ملک کے ساتھ جوڑنے والی 270 کلو میٹر طویل جموں - سرینگر قومی شاہراہ آج صبح بھاری پسیاں ( پتھریلی چٹانیں) گرنے کی وجہ سے آمد و رفت کے لیے بند کر دی گئی ہے۔

اطلاع کے مطابق رامبن کے قریب سیری کے مقام پر آج صبح زمین اور چٹانیں گر آنے کی وجہ سے شاہراہ کو آمد و رفت کے لیے بند کر دیا گیا ہے۔

شاہراہ کو بحال کرنے کے لیے مشینری کو کام پر لگادیا گیا ہے۔ شاہراہ کے دونوں طرف ماندہ گاڑیوں کی لمبی قطاریں لگی ہیں۔ جب کہ ٹریفک پولیس کے مطابق مشینری کو کام پر لگا دیا گیا ہے اور شام تک شاہراہ کو بحال کردیا جائے گا۔