ضلع رام بن میں مختلف سرکاری دفاتر میں ٹیچروں کی ’’غیر ضروری اٹیچ منٹس‘‘ کو منسوخ کرنے Demand for Cancellation of Teachers Attachment کی مانگ کرتے ہوئے جموں کشمیر ٹیچرز ایسوسی ایشن J&K Teachers Association کا ایک وفد ضلع ترقیاتی کمشنر رام بن DC Ramban مسرت اسلام سے ملاقی ہوا۔
جموں کشمیر ٹیچرز ایسوسی ایشن J&K Teachers Association کے وفد نے ڈپٹی کمشنر رام بن کو اساتذہ کی ’’غیر ضروری اٹیچمنٹ‘‘ کو لیکر ایک یادداشت پیش کی جس میں ’’ٹیچرز کی غیر ضروری اٹیچ منٹ‘‘ کے بارے میں ڈی سی کو آگاہ کیا گیا۔
جموں کشمیر ٹیچرز ایسوسی ایشن کے صوبائی نائب صدر نے میڈیا سے بات کرتے ہوئے دعویٰ کیا کہ ’’ضلع رام بن کے مختلف اسکولوں میں تعینات ٹیچرز کو مختلف دفاتر میں اٹیچ رکھا گیا ہے اور اسکولوں میں ٹیچروں کی اسامیاں خالی پڑی ہیں، جس کے سبب طلبہ کی پڑھائی متاثر ہو رہی ہے۔‘‘
- مزید پڑھیں: 'اساتذہ کے مسائل کو جلد از جلد حل کیا جائے'
ایسوسی ایشن نے ٹیچرز کی اٹیچ منٹ کو منسوخ کرنے کی مانگ کرتے ہوئے اساتذہ کو واپس اسکولوں میں تعینات کیے جانے کی اپیل کی۔
جموں کشمیر ٹیچرز ایسوسی ایشن J&K Teachers Associationنے بتایا کہ ڈی سی رام بن نے ان کے مطالبات سننے کے بعد انہیں ضلع میں اساتذہ کی ’’غیر ضروری اٹیچ منٹ‘‘ کو جلد ہی منسوخ کرکے اساتذہ کو اسکولوں میں تعینات کرنے کی یقین دہانی کی۔
