آئی ٹی آئی رامبن کے طلباء ہاسٹل کی سہولیات سے محروم

محکمہ تعمیرات عامہ کی جانب سے لاکھوں روپیہ خرچ کر کے ضلع رامبن کی سب ڈویژن گول میں ہاسٹل کی ایک عمارت بنائی گئی تھی۔ تاہم اس عمارت کو آج تک استعمال میں نہیں لایا گیا۔

جموں و کشمیر کے ضلع رامبن کی سب ڈویژن گول میں گورنمنٹ انڈسٹریئل ٹریننگ انسٹی ٹیوٹ کے احاطے میں بنایا گیا ہوسٹل گزشتہ ایک دہائی سے بند رہنے کی وجہ سے بے کار ہو چکی ہے۔

دور دراز علاقوں سے آنے والے طلباء کو ہاسٹل کی سہولت نہ ملنے کی وجہ سے وہ کرائے کے مکانوں میں رہ کر تعلیم حاصل کرنے پر مجبور ہیں۔

محکمہ تعمیرات عامہ کی جانب سے لاکھوں روپیہ خرچ کر کے اس عمارت کو بنایا گیا ہے۔ تاہم آج تک اس عمارت کو استعمال میں نہیں لایا گیا۔

طلباء نے اپنی پریشانیوں کا ذکر کرتے ہوئے کہا 'غربت میں تعلیم حاصل کرنے کا شوق اس وقت پورا ہوسکتا ہے جب حکومت انہیں سہولیات مہیا کرائے۔

طلباء نے ضلع ترقیاتی کمشنر رامبن سے ہاسٹل کو استعمال کے قابل بنانے کی گزارش کی ہے تاکہ وہ آسانی کے ساتھ اپنی تعلیم حاصل کر سکیں۔