رامبن: جعلسازی کے الزام میں تین گرفتار

پولیس بٹوت حرکت میں آئی اور تینوں جعلسازوں کو گرفتار کر کے ان کے خلاف متعلقہ دفعات کے تحت کیس درج کیا اور حوالات میں بند کر دیا۔

جموں و کشمیر کے ضلع رامبن کی پولیس نے دھوکہ دہی کے الزام میں سابق سرپنچ سمیت تین جعلسازوں کو گرفتار کرنے کا دعویٰ کیا ہے۔

پولیس ذرائع کے مطابق قصبہ بٹوت سے تعلق رکھنے والے شہباز لون، تلک راج اور رفیق احمد بٹ نے تھانہ پولس بٹوت میں تحریری طور پر شکایت درج کروائی کہ سابق سرپینچ بودھ راج، فاروق احمد ارشد اور محمد فاروق نے بے روزگار نوجوانوں کو سرکاری نوکری کا جھانسہ دیکر جعاسازی سے 8.77 لاکھ روپے وصول کیے ہیں۔

شکایت کرنے والوں نے بتایا کہ ان افراد نے سرکاری نوکری کا جھانسہ دے کر دوسرے بے روزگار نوجوانوں سے بھی لاکھوں روپے وصول کیے ہیں۔

شکایت پر کارروائی کرتے ہوئے تھانہ پولیس بٹوت حرکت میں آئی اور تینوں جعلسازوں کو گرفتار کر کے ان کے خلاف متعلقہ دفعات کے تحت کیس درج کیا اور حوالات میں بند کر دیا۔