رامبن پولیس نے جمعرات کی شام کمپارٹمنٹ 39 ہلوت سے اسمگل کی جا رہی تعمیراتی لکڑی کو ایک مقامی نوجوان کی مصدقہ اطلاع کے بعد ضبط کر لیا۔
پولیس نے کئی مکعب فٹ لکڑی لے جا رہے ڈرائیور اور اسکے ہمراہ ایک فاریسٹ گارڈ کو بھی گرفتار کر لیا ہے۔
ذرائع کے مطابق اسمگل کی جا رہی لکڑی کو فاریسٹ گارڈ موٹر سائیکل پر اسکارٹ کر رہا تھا۔
پہاڑی ضلع رام بن میں سبز سونے کی لوٹ جاری، سرسبز درختوں کی دن دہاڑے کٹائی کی جارہی ہے۔ لوگوں کا ماننا ہے کہ سبز سونے کی اسمگلنگ میں محکمہ جنگلات کے افسران بھی ملوث ہے کیونکہ ’’محکمہ جنگلات کے افسران کی ملی بھگت کے بغیر تعمیراتی لکڑی کی اسمگلنگ ممکن نہیں۔‘‘
اس ضمن میں ڈویژن فاریسٹ افسر بٹوٹ کا کہنا ہے کہ ’’اسمگلنگ کے معاملے میں ایک ٹیم تشکیل دی گئی ہے اور جانچ کے دوران قصوروار پائے گئے افراد کے خلاف قانونی کارروائی عمل میں لائی جائے گی۔‘‘
