آتشزدگی میں مکان جل کر خاکستر
پولیس جانکاری کے مطابق سب ڈویژن گول کے بلاک سنگلدان کی پنچایت سیری پورہ میں آج علی الصبح غلام نبی وانی کے تین منزلہ مکان میں اچانک آگ لگ گئی اور دیکھتے ہی دیکھتے آگ نے پورے مکان کو اپنی لپیٹ میں لے لیا جس سے لاکھوں کا سامان جل کر خاک ہو گیا۔
اگر چہ مقامی لوگوں نے آگ کو بجھانے کی کوشش کی تھی تاہم وہ صرف جانوں کو بچانے میں کامیاب ہوئے۔
بتایا جاتا ہے کہ غلام نبی کی دو لڑکیوں کی شادی دو ہفتوں کے اندر ہی ہونی تھی، اس سے قبل ہی سب کچھ ختم ہوگیا۔
لوگوں نے انتظامیہ سے فوری امداد کا مطالبہ کیا ہے کیونکہ متاثرہ شخص انتہائی غریب ہے۔
گول پولیس نے مقدمہ درج کر کے نقصان کا تخمینہ کرنے کے لیے علاقہ میں ٹیم روانہ کر دی ہے۔
