ضلع ترقیاتی کمشنر رامبن مسرت الاسلام کی قیادت میں قصبہ رامبن کا اچانک معائنہ کیا گیا۔ اُن کے ہمراہ ایڈینشل ایس پی رامبن رجنی شرما، تحصیلدار رام بن رفیق احمد، ایس ایچ او رام بن پردیپ شرما اور دیگر پولیس افسران بھی شامل تھے۔
ڈپٹی کمشنر نے بس اسٹینڈ رام بن کا دورہ کر کے مسافروں سے درخواست کی ہے کہ کورونا سے جنگ جیتنے کے لیے ماسک کا استمعال اور سماجی دوری کا خاص خیال رکھیں۔
انہوں نے قصبہ رام بن کی مختلف بھیڑ بھاڑ والی جگہوں کا معائنہ کرنے کے دوران بغیر ماسک پہنے لوگوں پر جرمانہ عائد کیا۔
انہوں نے تحصلدار رام بن ایس ایچ او رامبن کو ہدایت دی کہ ماسک نہ پہننے والوں کے خلاف سختی سے پیش آئیں اور جرمانہ عائد کریں۔
وہیں، کانگرس کے سینیئر رہنما و سابق ضلح صدر رامبن ایڈووکیٹ ارون سنگھ راجو نے انتظامیہ کے اس قدم کی ستائش کرتے ہوئے کہا کہ انتظامیہ غریب لوگوں میں ماسک تقسیم کریں۔،
انہوں نے کہا کہ اچانک تین سو جرمانہ کرنا غریبوں کے لیے حیران کن بات ہے۔ لوگ گاؤں سے بازار راشن کی خریداری کے لیے آئے تھے، ان کو راشن کے بدلے جرمانہ بھرنا پڑا۔
یہ بھی پڑھیں: رامبن: مقامی لوگوں کا تعمیراتی کمپنی کے خلاف احتجاج
