بانیہال میں آگ کی واردات میں متعدد دکانیں خاکستر

آگ اتنی شدید تھی کہ جموں - سرینگر قومی شاہراہ کو بھی بند کر دیا گیا تھا۔

جموں و کشمیر کے ضلع رامبن کے علاقہ بانیہال میں آگ کی ایک واردات میں متعدد دکانیں خاکستر ہو گئی ہے۔

جیسے ہی آگ کی خبر پھیلی تو جموں کشمیر پولیس، فائر سروس عملہ اور مقامی لوگوں نے آگ پر قابو پانے کا کام شروع کر دیا۔

اطلاعات کے مطابق آگ کی وجہ سے لاکھوں روپے کا نقصان ہوا ہے اور چار سے پانچ دکانیں مکمل طور پر خاکتسر ہوئی ہیں۔

آگ اتنی شدید تھی کہ جموں - سرینگر قومی شاہراہ کو بھی بند کر دیا گیا تھا۔

آگ لگنے کی وجوہات کا فوری پتا نہیں چل پایا ہے۔