جموں و کشمیر کے ضلع رامبن میں زیر تعمیر فور لین پروجیکٹ (بانہال) ٹنل میں ایک الیکٹریشن ہلاک ہو گیا۔
عینی شاہدین کے مطابق بانہال - قاضی گنڈ ٹنل پر کام کر رہا ایک ایکٹریشن پیر کو کام کے دوران اچانک گر پڑا، جس کے نتیجہ میں اس کی موقعے پر ہی موت ہوگئی۔
ہلاک ہونے والے ملازم کی شناخت شبیر احمد ماگرے ولد عبدالرشید ماگرے ساکنہ اشر، بانہال کے طور پر ہوئی ہے۔
پولیس نے لاش کو سب ڈسٹرکٹ ہسپتال بانہال منتقل کیا اور قانونی و طبی لوازمات کے بعد آخری رسومات کے لیے وارثین کے سپرد کر دیا۔
اس ضمن میں پولیس نے تعمیراتی کمپنی کے خلاف لاپرواہی کا معاملہ درج کر کے تحقیقات شروع کر دی ہے۔
