رامبن اور کشتواڑ میں ڈی ڈی سی چیئرمین و نائب چیئر مین مقرر

حال ہی میں نیشنل کانفرنس میں شامل ہوئے تین آزاد امیدوار کونسلروں کی مدد سے نیشنل کانفرنس نے ڈی ڈی سی رامبن کیلئے اپنا چیئرمین اور نائب چیئرمین کو چن لیا ہے۔ چیئرمین کیلئے شمشادہ شان نے گیارہ جبکہ نائب چیئرمین کیلئے رابعہ حمید نے نو ووٹ حاصل کئے۔

رامبن میں چیئرمین شپ کیلئے شمشادہ شان کے مقابلے بھارتیہ جنتا پارٹی نے رینوکا کٹوچ کو اٹھایا تھا، جبکہ نائب چیئرمین کیلئے رابعہ حمید کے مقابلے بھارتیہ جنتا پارٹی نے بلبیر سنگھ اور کانگریس نے امتیاز کھانڈے کو کھڑا کیا تھا۔ رامبن کونسل میں نیشنل کانفرنس چھ، آزاد تین، بھارتیہ جنتا پارٹی تین اور کانگریس دو سیٹوں پر کامیاب ہوئے تھے۔

جیتے ہوئے تین آزاد امیدواروں کی طرف سے کل جموں میں نیشنل کانفرنس میں شمولیت کے بعد نیشنل کانفرنس نے سابقہ اتحادی کانگریس کو باہر کردیا ہے اور اپنے ساتھ آئے تین آزاد کونسلروں کے ساتھ کامیابی حاصل کی۔اس موقع پر کانگریس کے امتیاز کھانڈے نے الزام لگایا کہ' نیشنل کانفرنس نے ان کے ساتھ دھوکہ کیا ہے اور اس کے باوجود بھی انہوں نے چیئرمین شپ کیلئے نیشنل کانفرنس کی شمشادہ شان کے حق میں اپنے دو ووٹ ڈالے۔

وہیں کشتواڑ میں بھی آج دوسری مرتبہ ڈسٹرکٹ ڈیولپمنٹ چیئرمین کا انتخاب ہوا جس میں ضلع چیرمین کے لیے پوجا ٹھاکر اور شریفہ بیگم نے اپنا فارم ڈسٹرکٹ چیرمین کے لیے نا مزد کیا تھا جس میں پوجا ٹھاکر ایک ووٹ سے جیت گئی، یعنی کہ 14 کونسلر کشتواڑ میں تھے دوسری امیدوار شریفہ بیگم کو چھ ووٹ ملے۔ اور نائب چیرمین سائمہ شبیر لون کو چنا گیا۔ اس دوران ڈپٹی کمشنر کشتواڑ اشوک شرما نے کہا کہ دو گھنٹے کا انتخابات چلا جس میں پوجا ٹھاکور کو ڈسٹرکٹ چیرمین کی کامیابی حاصل ہوئی۔