تفصیلات کے مطابق بانہال کے منڈ کھال اکڑہال علاقے میں برف باری کی وجہ سے پھلدار درختوں کو کافی نقصان ہوا ہے۔
مقامی لوگوں کے مطابق بھاری برف باری کی وجہ سے میوہ باغات کو کافی نقصان پہنچا ہے جن میں سیب, ناشپاتی, اخروٹ اور دیگر میوہ جات درخت شامل ہے۔
علاقے کے لوگوں نے الزام عائد کیا ہے کہ برف باری کی وجہ سے اتنا نقصان ہونے کے باوجود بھی محکمہ ہارٹیکلچر کے ملازمین نے علاقے کا دورہ نہیں کیا۔
انہوں نے کہا ہے کہ ہر سال اگرچہ سرکار کی جانب سے محکمہ ہارٹیکلچر کو کھربوں روپے فراہم کیے جاتے ہیں لیکن افسوس کا مقام ہے کہ لوگوں کو ابھی تک نقصان کا معاوضہ فراہم نہیں کیا گیا۔
علاقہ اکڑہال کے مقامی لوگوں کا کہنا ہے کہ اگر چہ انہوں نے کئی بار ضلع ترقیاتی کمشنر رام بن شوکت اعجاز کی نوٹس میں یہ معاملہ لایا اور معاوضے کی گزارش بھی کی لیکن اُن کی طرف سے بھی کوئی سنوائی نہیں ہوئی۔
انہوں نے مزید کہا کے منڈ کھال اکڑہال حلقہ انتخاب بانہال کا پسماندہ اور پہاڑی علاقہ ہے جہاں کی عوام کی روزی روٹی ان میوہ جات درختوں پر ہی منحصر ہیں۔
