ضلع رام بن میں بی جے پی یوا مورچہ سے وابستہ متعدد کارکنان نے جمعہ کو ضلع انتظامیہ کے خلاف سخت نعرے بازی کرتے ہوئے انتظامیہ پر لاپرواہی کا الزام عائد کیا۔
انہوں نے ضلع میں ہو رہی بدعنوانیوں پر انتظامیہ کو تنقید کا نشانہ بناتے ہوئے کہا: ’’اس سے قبل بھی ہم نے انتظامیہ کو رشوت خوری، بدعنوانیوں کے خلاف کارروائی کا مطالبہ کیا، تاہم ضلع میں اب بھی رشوت خوری کا بازار گرم ہے، جس کے سبب ہم انتظامیہ کے خلاف احتجاج کرنے پر مجبور ہو گئے۔‘‘
یوا مورچہ کے جنرل سیکرٹری نے الزام عائد کرتے ہوئے کہا کہ ’’ضلع انتظامیہ رامبن کے لوگوں کو بنیادی سہولیات بہم پہنچانے میں مکمل ناکام ہوچکی ہے۔‘‘
احتجاجی مظاہرین نے سرینگر - جموں قومی شاہراہ کی جانب پیش قدمی کی کوشش کی تاہم پولیس اور انتظامیہ کے اعلیٰ افسران کی مداخلت اور انکے مطالبات پر غور کیے جانے کی یقین دہانی کے بعد احتجاج ختم کیا گیا۔
