جمعرات کی شب جموں و کشمیر لیفٹیننٹ گورنر انتظامیہ کے ترجمان روہت کنسل نے ٹویٹ کے ذریعے اس بات کی تصدیق کی کہ راجوری کے ایک شخص کا نمونہ مثبت ثابت ہوا ہے۔
اس اعلان کے بعد آج جمعے کو راجوری میں کافی خوف و ہراس کا ماحول تھا۔ وہیں انتظامیہ کی جانب سے ان افراد کی تلاش کی جا رہی ہے جو اس مثبت شخص کے راطبے میں رہے تھے۔
کوروناوائرس: ایک مثبت نتیجے کے بعد راجوری میں خوف کا ماحول
ذرائع کے مطابق اس سلسلے میں کئی افراد کے نمونے جانچ کے لیے جموں میڈیکل کالج منتقل کر دئے گئے ہیں۔
واضح رہے کہ روہت کنسل نے جمعے کے روز سرینگر سے تعلق رکھنے والے مزید چار افراد کے وائرس کے زد میں آنے کی تصدیق کی ہے۔
دریں اثناء راجوری میں بھی جموں و کشمیر کے باقی اضلاع کی طرح بندشوں اور سماجی دوری بنائے رکھنے کے احکامات کے پیش نظر جمعے کی نماز اکثر جگہوں پر ادا نہ کی جا سکی۔
