جنوبی کشمیر کے ضلع شوپیان سے تعلق رکھنے والے ایک شہری کو سکیورٹی فورسز کے اہلکاروں نے راجوری ضلع میں اسلحہ و گولہ بارود سمیت گرفتار کرکے حراست میں لے لیا ہے۔
تفصیلات کے مطابق جنوبی ضلع شوپیان کے ایک شہری کو پیر کے روز راجوری میں گرفتار کرکے اُس کے قبضے سے دو ہینڈ گرینیڈ اور گولیوں کے کئی راونڈ بر آمد کئے گئے۔
یہ بھی پڑھیں: بانڈی پورہ: پولیس کی جانب سے والی بال ٹورنمنٹ
ذرائع کے مطابق مذکورہ شہری ایک مسافر گاڑی میں کشمیر سے راجوری کی طرف جا رہا تھا جب گاڑی کی تلاشی کے دوران اُس سے اسلحہ و گولہ بارود برآمد کیا۔
گرفتار شدہ شہری کو تھانہ منڈی پولیس سٹیشن منتقل کیا گیا ہے جہاں اُس کی پوچھ تاچھ کی جا رہی ہے۔
زرائع نے مذکورہ شہری کی شناخت عرفان احمد ولد بشیر احمد جرل ساکنہ ریگنیر کیلر شوپیان کے بطور کی ہے۔
