راجوری: جموں وکشمیر کے راجوری ضلع کے کھر بانی گاوں میں جمعے کے روز ترسیلی لائن کی مرمت کے دوران پی ڈی ڈی ڈیلی ویجر کرنٹ لگنے سے ہلاک ہوا ہے۔ PDD Daily Wager Electrocuted In rajouri
سرکاری ذرائع نے بتایا کہ جمعے کے روز راجوری کے کھربانی گاؤں میں پی ڈی ڈی ڈیلی ویجر ترسیلی لائن کی مرمت کر رہا تھا کہ اس دوران وہ کرنٹ لگنے سے شدید طورپر زخمی ہوا۔ آس پاس موجود لوگوں نے اگرچہ زخمی ڈیلی ویجر کو علاج ومعالجہ کی خاطر فوری طورپر نزدیکی ہسپتال پہنچایا تاہم وہاں پر موجود ڈاکٹروں نے اُسے مردہ قرار دیا۔
مزید پڑھیں: Unsung Heroes OF PDD J&K: محکمہ بجلی کے گمنام ہیروز، دس برسوں میں 113 ملازمین ڈیوٹی کے دوران ہلاک
متوفی کی شناخت ہرجیت سنگھ ولد جگت رام ساکن کھر بانی کے بطور ہوئی ہے اور وہ محکمہ بجلی میں پچھلے بیس برسوں سے بحیثیت ڈیلی ویجر تعینات تھا۔معلوم ہوا ہے کہ پی ڈی ڈی ڈیلی ویجر نے اپنے پیچھے چار بیٹیوں کو چھوڑا ہے۔دریں اثنا پولیس نے اس سلسلے میں ایک کیس درج کرکے کارروائی شروع کی ہے۔
