جموں وکشمیر کے ضلع راجوری کے نوشہرہ سیکٹر میں لائن آف کنٹرول پرفوج نے پاکستان کے زیر انتطام کشمیر سے تعلق رکھنے والے ایک شخص کو گرفتار کیا ہے۔
سرکاری ذرائع نے بتایا 'نوشہرہ سیکٹر میں جمعہ کی رات فوجی اہلکاروں نے ایک شخص کو مشکوک حالات میں ایل او سی کی طرف آتے ہوئے دیکھا اور جوں ہی اس نے دراندازی کرنے کی کوشش کی تو اس کو دبوچ لیا گیا'۔
انہوں نے کہا 'گرفتار شدہ شخص کو نوشہرہ کے لام علاقے سے گرفتار کیا گیا ہے اور اس کی پوچھ گچھ کی جارہی ہے کہ اس نے دراندازی کرنے کی کوشش کیوں کی تھی'۔
قبل ازیں بدھ کے روز ضلع پونچھ کے بالاکوٹ علاقے میں پاکستان کے زیر انتظام کشمیر کے ایک باشندے کو گرفتار کیا گیا تھا۔
یہ بھی پڑھیے
جنگ بندی کی خلاف ورزی میں ایک ہی گھر کے تین افراد ہلاک
کشمیر: سڑک حادثہ میں ٹریکٹر ڈرائیور ہلاک
اس کے علاوہ راجوری و پونچھ میں ہر روز جنگ بندی کی خلاف ورزی کی خبریں بھی سامنے آرہی ہیں، گذشتہ شب پونچھ میں پاکستان کی طرف سے کی گئی گولہ باری کی وجہ سے ایک ہی گھر کے تین افراد ہلاک ہو گئے۔
