سری نگر: جموں وکشمیر کے راجوری ضلع کے درہال میں 11اگست کو فوجی کیمپ پر ہوئے فدائین حملے میں شدید طور پر زخمی فوجی اہلکار ہسپتال میں دم توڑ گیا اور اس طرح سے جاں بحق ہوئے اہلکاروں کی تعداد پانچ تک پہنچ گئی ہے۔ دفاعی ذرائع نے بتایا کہ گیارہ اگست کو راجوری میں قائم فوجی کیمپ پر ہوئے فدائین حملے میں زخمی اہلکار اتوار دیر رات کو ہسپتال میں زخموں کی تاب نہ لا کر چل بسا۔ متوفی کی شناخت حوالدار ستہ پال سنگھ ساکن راجستھان کے بطور ہوئی ہے۔Fidayeen Attack In Rajouri
جموں میں قائم دفاعی ترجمان لیفٹیننٹ کرنل دیویندر آنند نے بتایا کہ پیر کے روز آرمی کمانڈر لیفٹیننٹ جنرل اُپندرا دیویدی نے مہلوک اہلکار کی تعزیتی گلباری میں شرکت کی۔ اُن کے مطابق شمال مشرقی کمان کے سربراہ نے ترنگے سے لپٹے فوجی اہلکار کی جسد خاکی پر پھول برسائے اور اُنہیں شاندار الفاظ میں خراج عقیدت ادا کیا۔
مزید پڑھیں:۔ Fidayeen Attack in Rajouri: راجوری فدائین حملے میں مارے گئے عسکریت پسند غیر ملکی، ایس ایس پی راجوری
ترجمان کا کہنا ہے کہ اتوار دیر رات فوجی اہلکار ہسپتال میں دم توڑ گیا۔ بتادیں کہ 11اگست کی اعلیٰ الصبح درہال راجوری میں قائم فوجی کیمپ پر دو فدائین نے حملہ کیا جس دوران چار گھنٹے تک دونوں طرف سے گولیوں کا تبادلہ جاری رہا۔ سیکورٹی فورسز کی جوابی کارروائی میں دونوں ملیٹینٹ مارے گئے ۔
گیارہ اگست کو فدائین حملے میں جاں بحق ہوئے فوجی اہلکاروں کی شناخت صوبیدار راجندر پرساد ساکن راجستھان، رائفل مین منوج کمارساکن ہریانہ ، رائفل مین ڈ لکمشن ساکن تامل ناڈو اور رائفل مین نشانت ملک ساکن ہریانہ ہسار کے بطور کی گئی ۔
یو این آئی
