تفصیلات کے مطابق ضلع راجوری کے کھواس لٹی علاقے میں منگل کی صبح ایک سڑک حادثہ پیش آیا جس میں 11 افراد زخمی ہو گئے ہیں۔ زخمیوں میں سے دو کی حالت تشویشناک بتائی جا رہی ہے۔
ذرائع نے بتایا کہ خواجہ تحصیل ہیڈ کوارٹر سے ایک ٹیمپو گاڑی زیر نمبر JK02AL-9145 راجوری کی طرف جا رہی تھی تو لٹی کے مقام پر اچانک سڑک کے کنارے اُلٹ گئی جس کے نتیجے میں گیارہ افراد زخمی ہوگئے۔ زخمیوں کو فوری طور پر وہاں سے نکال کر ہسپتال منتقل کیا گیا۔ تاہم زخمیوں میں سے دو کو شدید چوٹیں آئی ہیں جنہیں جی ایم سی راجوری ریفر کردیا گیا ہے۔
زخمیوں کی شناخت مدن لال، کرتار سنگھ، سرجیت سنگھ، رمونا بیگم، ستیہ دیوی، بلون سنگھ، راشپال سنگھ، گووند سنگھ، آنچل سنگھ اور اوم پرکاش کے بطور ہوئی ہے۔
