ضلع راجوری کے مراد پور علاقہ سے تعلق رکھنے والا ایک نوجوان گزشتہ دو روز سے اس وقت لاپتہ ہوگیا جب وہ گھر سے دریا پر مچھلیاں پکڑنے کے لئے گیا تھا۔ تاہم دیر تک نہ لوٹ آنے کی وجہ سے گھر والوں نے متعلقہ تھانے میں رپورٹ بھی درج کروائی۔ دو روز گزرنے کے بعد ارون کمار ولد بنسی لال ساکنہ مراد پور عمر 25 سال کی لاش دریا کے کنارے سے ملی ہے۔
متعلقہ پولیس نے لوگوں کی اطلاع کے مطابق لاش کو اپنی تحویل میں لے کر ضلع ہسپتال راجوری میں منتقل کیا جہاں پر لاش کا پوسٹ مارٹم کرنے کے بعد لواحقین کو آخری رسومات ادا کرنے کے لئے سپرد کر دی گئی۔
پولیس نے اس سلسلہ میں کیس درج کر کے تحقیات شروع کر دی ہے۔
