راجوری میں عمارت منہدم، ایک ہلاک چھ زخمی

جموں و کشمیر کے ضلع راجوری کے کالاکوٹ علاقے میں جمعرات کے روز دو منزلہ عمارت گر جانے سے ایک شخص از جان جبکہ چھ دیگر زخمی ہوئے۔

ذرائع کے مطابق راجوری کے کالا کوٹ علاقے کے دیولن گاؤں میں جمعرات کو دومنزلہ عمارت گر گئی جس کے ملبے کے نیچے سات افراد دفن ہوگئے۔

انہوں نے بتایا کہ واقعہ کے فوراً بعد مقامی لوگ اور پولیس کی ایک ٹیم جائے موقعہ پر پہنچی اور ملبے کے نیچے دفن افراد کو نکال کر انہیں نزدیکی ہسپتال منتقل کیا۔
تاہم وہاں ڈاکٹروں نے ایک شخص کو مردہ قرار دیا۔