سرکاری ذرائع کے مطابق ضلع راجوری میں واقع کلکا ماتا مندر کے نزدیک گذشتہ شب دیر گئے ایک زور دار دھماکے جیسی آواز سنی گئی تاہم اس واقعے سے کوئی جانی یا مالی نقصان نہیں ہوا ہے۔
انہوں نے بتایا کہ اگرچہ متعلقہ پولیس اسٹیشن کی ایک ٹیم واقعہ رونما ہونے کے فوراً بعد جائے موقع پر پہنچ گئی۔ تاہم اعلیٰ حکام کی ایک ٹیم جس میں ایس ایس پی راجوری چندن کوہلی، ڈی ایس پی ہیڈ کوارٹرس، متعلقہ ایس ایچ اور فوج کے 48 آر آر اور 156 ٹی اے کی ایک ٹیم شامل ہے، نے جمعہ کی صبح جائے واردات کا دورہ کیا اور تحقیقات شروع کی۔
دریں اثنا ایس ایس پی راجوری چندن کوہلی نے کہا کہ اس دھماکے کے بارے میں تحقیقات کی جارہی ہے، تاہم دھماکے سے کوئی جانی یا مالی نقصان نہیں ہوا ہے۔
