جنسی زیادتی معاملہ میں نوجوان گرفتار

پولیس نے پوکسو ایکٹ کے تحت معاملہ درج کرکے ملزم اجیت کو گرفتار کرلیا ہے اور اس سے پوچھ گچھ کی جا رہی ہے۔

ریاست راجستھان کے اجمیر درگاہ پولیس اسٹیشن نے کمسن لڑکی کے ساتھ جنسی زیادتی کرنے کے الزام میں ایک نوجوان کو گرفتار کیا ہے۔

درگاہ تھانہ پولیس اسٹیشن سی آئی رامندر سنگھ ہڈا کے مطابق شہر کے گنج تھانہ پولیس اسٹیشن پر ایک لڑکی نے رپورٹ درج کروائی تھی کی اجیت نامی ایک نوجوان نے اس کے مکان کے نزدیک اس کے ساتھ جنسی زیادتی کرنے کی کوشش کی تھی۔

پولیس نے پوکسو ایکٹ کے تحت معاملہ درج کر ملزم اجیت کو گرفتار کرلیا ہے اور اس سے پوچھ تاچھ کی جا رہی ہے۔

واضح رہے کہ اجیت کی گرفتاری سے قبل لڑکی کے رشتہ داروں نے اجیت کی خوب پٹائی کی تھی، فی الحال پولیس نے ملزم اجیت کا میڈیکل کروا لیا ہے اور اپنی نگرانی میں رکھا ہوا ہے۔