راجستھان پولیس کی خاتون اہلکار کی سوشل میڈیا پر وائرل ہونے والی اس ویڈیو کے بعد درگاہ سے عقیدت مندوں میں ناراضگی دیکھی جا رہی ہے ۔
اطلاعات کے مطابق نامعلوم شخص نے خواجہ کے دربار میں زیارت کرنے کے لیے آیا, اسی درمیان درگاہ کے نظام گیٹ پر تعینات پولیس کی اہلکار خاتون نے اسے حفاظتی حوالہ دیتے ہوئے درگاہ میں جانے سے روک دیا۔
عقیدت مند درگاہ میں اپنا کچھ سامان لے کر جانا چاہتا تھا لیکن اسے لے کر جانے نہیں دیا گیا اس شخص نے اپنا سامان درگاہ کے باہر کسی دکان پر رکھ دیا اس کے بعد جب وہ درگاہ میں دوبارہ داخل ہوا تو پولیس اہلکاروں نے اسے روک لیا اور اس کے بعد نوجوان کے ساتھ جو کچھ ہوا اس کا ویڈیو موقع پر کھڑے کسی شخص نے بنا لیا۔
اس ویڈیو میں دیکھا جا سکتا ہے کہ کس طرح پولیس کے اہلکار اس شخص سے بدتمیزی کر رہے ہیں وائرل ویڈیو میں یہ بھی دیکھا جا رہا ہے کی کیسے ایک خاتون پولیس اہلکار نے اس نوجوان کو تھپڑ بھی مارا, درگاہ شریف کے سبھی گیٹوں پر تعینات ان پولیس اہلکاروں کا رویہ زائرین کے ساتھ کچھ اسی طرح سے رہتا ہے یہی وجہ ہے کہ اب درگاہ سے جڑے لوگوں میں غصہ دیکھا جا رہا ہے۔
سوشل میڈیا پر اس ویڈیو کے وائرل ہونے کے بعد درگاہ کمیٹی اور درگاہ کے خادم اب زائرین سے بدتمیزی کو لے کر ضلع پولیس ایس پی سے ملاقات کرینگے اور قصور وار پولیس اہلکاروں کو معطل کرنے کا مطالبہ بھی کریں گے۔
