'وقف کمیٹیوں میں جلد تبدیلی کی جائے گی'

راجستھان میں وقف بورڈ نے اعلان کیا ہے کہ جو بھی کمیٹی اچھا کام نہیں کر رہی ہیں، ان میں جلد تبدیلی کی جائے گی۔

راجستھان کی 90 فیصد درگاہیں جو مسلم وقف بورڈ کے زیر اہتمام ہیں، ان تمام درگاہوں پر وقف کمیٹیز میں تبدیلی لائی جائے گی۔

ای ٹی وی بھارت کے ساتھ خاص بات چیت کے دوران وقف بورڈ کے چیئرمین ڈاکٹر خانو خان بودھوالی نے کہا 'جب بھی راجستھان مسلم وقف بورڈ کے ممبروں اور دیگر لوگوں کا اجلاس ہو گا اس میں ہم نئی کمیٹیز تشکیل دیں گے۔

انہوں نے بتایا 'یہ اجلاس آنے والے دس یا پندرہ روز میں ہو جائے گا اور جلدی تبدیلیاں نظر آئیں گی'۔

وہیں چیئرمین خانو خان بودھوالی کا کہنا ہے 'جو کمیٹیاں بنائی ہوئی ہیں وہ کافی لمبے عرصے سے ہیں اور زیادہ تر بی جے پی حکومت کے وقت میں ہی بنی تھی'۔

خانو خان بودھوالی کا کہنا ہے 'جن کمیٹیز میں اچھا کام نہیں ہو رہا ہے، ان میں جلد تبدیلی کی جائے گی'۔