جے پور: اشوک گہلوت آج سوائی مان سنگھ اسٹیڈیم Sawai Mansingh Stadium میں گاندھی جینتی کے موقع پر منعقدہ سرو دھرم پراتھنا سبھا Sarva Dharma Prarthana Sabha اور گاندھی سدبھاؤنا سمان تقریب سے خطاب کررہے تھے انہوں نے کہا کہ مہاتما گاندھی نے اپنے خیالات اور طرز زندگی سے دنیا کو سچائی اور عدم تشدد کا پیغام دیا۔ ان کے عدم تشدد کے نظریے نے ملک کی آزادی کی تحریک کو متاثر کیا۔ انہوں نے کہا کہ آج پوری دنیا تشدد اور بدامنی سے لڑ رہی ہے۔ ایسے وقت میں صرف گاندھیائی سوچ ہی دنیا کو امن اور عدم تشدد کی طرف لے جا سکتی ہے۔
انہوں نے کہا کہ گاندھی جی نے اپنی عوامی زندگی کا آغاز جنوبی افریقہ میں کیا جہاں انہوں نے حکومت کی نسل پرستی کی پالیسی کو ختم کرنے کے لیے ستیہ گرہ کیا۔ گاندھی جی کی لکھی ہوئی ان کی سوانح عمری 'سچائی کے تجربات' The Experiment of Truth سچائی اور عدم تشدد کے فلسفے پر مبنی ایک منفرد کام ہے۔ آج کی نوجوان نسل اسے ضرور پڑھیں۔ اس کے مطالعہ سے نوجوان نسل میں گاندھیائی سوچ پروان چڑھے گی۔
انہوں نے کہا کہ آج بھارت کو پوری دنیا میں عزت کی نگاہ سے دیکھا جاتا ہے کیونکہ ملک میں گاندھی جی کے عدم تشدد کے نظریہ کو تقویت ملتی ہے۔ Gandhi Sadbhavna Samman
گاندھی جینتی کے موقع پر اشوک گہلوت نے پانچ گاندھیائی مفکروں کو گاندھی سدبھاؤنا سمان سے نوازا، جنہوں نے گاندھی جی کے نظریے پر عمل کرتے ہوئے سماج کی بہترین خدمات انجام دیں۔ ان میں مشہور گاندھیائی مفکر ڈاکٹر ایس این۔ سباراؤ (بعد از مرگ)، آنجہانی نیمی چند جین (بعد از مرگ)، آنجہانی امرناتھ بھائی جی، گاندھی پیس فاؤنڈیشن کے صدر کمار پرشانت اور بھگوان مہاویر وکلانگ سہایاتا سمیتی کے بانی اور سرپرست اعلی ڈاکٹر ڈی آر مہتہ شامل تھے۔ وزیر اعلیٰ نے انہیں 5 لاکھ روپے کے اعزازیہ، یادگاری، توصیفی اور شال پہنا کر نوازا۔
وزیراعلی نے کہا کہ سماج کے لئے بہترین کام کرنے والے گاندھیائی مفکرین کو ہر سال گاندھی سدبھاؤنا سمان دیا جائے گا۔ اس کے ساتھ انہوں نے محکمہ انفارمیشن اینڈ ٹیکنالوجی کے مربوط پورٹل کا بھی افتتاح کیا۔ Violence has no place in Gandhis country says Ashok Gehlot
پروگرام میں پوری ریاست کے لوگوں نے اکٹھے ہو کر تمام مذاہب کی عبادت کرنے کا عالمی ریکارڈ بنایا۔ اس کے لیے ورلڈ بک آف ریکارڈ، لندن کے نمائندے پرتھم بھلا نے وزیر اعلیٰ کو ایک عارضی سرٹیفکیٹ دیا۔
وزیر اعلیٰ نے کہا کہ پہلی بار گاندھی جی کے افکار کی تشہیر کے لیے سرکاری طور پر ایک الگ محکمہ بنایا گیا ہے۔ راجستھان ایسا کرنے والی واحد ریاست ہے۔ انہوں نے کہا کہ مہاتما گاندھی کے اصولوں اور نظریات پر عمل کرتے ہوئے تشدد سے پاک معاشرے کے قیام کے لیے امن اور عدم تشدد کا محکمہ قائم کیا گیا ہے۔ یہ محکمہ گاندھی جی کے نظریات کو گھر گھر پہنچانے کے لیے کام کر رہا ہے، تاکہ عام لوگ ہر طرح کے تشدد کو ختم کرنے کی لئے راغب ہوں۔
یہ بھی پڑھیں : Gandhi Jayanti سونیا اور راہل نے مہاتما گاندھی کو خراج عقیدت پیش کیا
یواین آئی
