جے پور: ریاست راجستھان کے دارالحکومت جے پور میں ڈی سی پی (ویسٹ) وندیتا رانا نے میڈیا کو بتایا کہ پولیس نے مخبروں کی جانب سے ٹھوس جانکاری ملنے کے بعد خصوصی چھاپہ ماری مہم چلائی۔ پولیس نے اس مہم کے دوران دو بدمعاشوں کو گرفتار کرلیا۔ گرفتار افراد کی شناخت ملزم پون مینا ولد کیلاش چند گاؤں بارسنگھ پورہ کالڈیرا اور مکیش یادو ولد بنشیدھر کے طور پر ہوئی ہے جو کھپڑیا درگا باس کالڈیرہ کے رہنے والے ہیں۔
پولیس نے بتایا کہ جے پور میں راہگیروں سے موبائل چھیننے کے واقعات کو روکنے اور مجرموں کو گرفتار کرنے کے لئے ایڈیشنل ڈی سی پی رام سنگھ، اے سی پی پرمود سوامی اور کلواڑ پولیس افسر کی قیادت میں ایک ٹیم تشکیل دی گئی۔ ٹیم نے واقعے کے بعد آس پاس نصب سی سی ٹی وی کیمروں کی جانچ کی۔اس کی بنیاد پر پولیس نے دو بدمعاشوں کی نشاندہی کی اور انہیں پکڑ لیا۔ پولیس نے گرفتار ملزمان پون مینا اور مکیش یادو کو گرفتار کر کے ان کے قبضے سے لوٹی گئی موبائلیں برآمد کر لیں۔
یہ بھی پڑھیں:Mother Killed Specially Abled Child چار سال کے معصوم بیٹے کو قتل کرنے والی ماں گرفتار
پولیس نے مزید بتایا کہ بدمعاشوں نے قصبہ کلواڑ سمیت دو دیگر مقامات پر لوٹ مار کی وارداتوں کو انجام دے چکے ہیں۔ملزم پون مینا ماضی میں بھی گاڑی چوری اور موبائل چھیننے کی وارداتیں انجام دے چکا ہے۔ پولیس کا مزید کہنا تھا کہ ملزمان کے خلاف تھانہ چومو، کردھانی میں ڈکیتی اور چوری کے 6 مقدمات درج ہیں۔ پولیس گرفتار ملزمان سے پوچھ گچھ اور دیگر معلومات اکٹھی کر رہی ہے۔
