راجستھان میں سڑک حادثہ، تین ہلاک

جسراپور میں ایک سڑک حادثہ پیش آیا ہے، جس میں دولہے کے والد سمیت تین لوگوں کی موت ہوگئی ہے۔

ریاست راجستھان کے ضلع جھنجھنو کے جسرا پور کے علاقے کھرکھڑا کے قریب ایک خوفناک سڑک حادثہ پیش آیا، جس میں بیٹے سے شادی کے بعد گھر لوٹنے والے دولہے کے والد سمیت تین افراد کی ہلاک ہوگئے ہیں۔

ڈپٹی سپرنٹنڈنٹ پولیس وجے کمار نے بتایا کہ پیر کے روز کجوڑ مل ولد نارائن رام مینا نے اپنے دونوں بیٹوں کی شادی کرکے منگل کے روز ہنسی خوشی گھر لوٹ رہے تھے کہ کجوڑمل کے خاندان پر جسراپور کے کھرکھڑا کے قریب دردناک مصیبت آگئی۔

دراصل منگل کے روز دوپہر دو بجے کے قریب سامنے سے آنے والے تیز رفتار ٹرک نے ٹکر مار دی، جس کی وجہ سے 47 برس کے کجوڑمل سمیت 22 برس کے بھتیجے پنکج، 45 برس کے مامراج کی موقع پر ہی موت ہوگئی، وہیں 30 برس کے ڈرائیور زخمی ہوگئے، جسے علاج کے لیے جھنجنو میں بھیج دیا گیا تھا۔

تینوں لاشوں کو ایمبولینس کے ذریعے سرکاری اجیت ہسپتال پہنچایا گیا، جہاں ڈاکٹرز کی ٹیم نے تینوں کو مردہ قرار دے کر لاشوں کو ہسپتال کے مردہ خانے میں رکھ دیا۔

کھیتری ہسپتال کی ٹیم نے لاش کو پوسٹ مارٹم کے بعد لواحقین کے حوالے کردیا۔