بھارتی ریاست راجستھان کی دارالحکومت جے پور میں واقع جل محل کے نام سے مشہور مان ساگر جھیل ان دنوں اپنی بربادی کے آنسو رو رہی ہے،اس بات کا اندازہ اسی بات سے لگایا جاسکتا ہے کہ یہاں پر گزشتہ کچھ روز سے ہزاروں کی تعداد میں مچھلیاں مر رہی ہیں۔
تاہم انتظامیہ کی جانب سے کوئی بھی سخت قدم نہیں اٹھایا جا رہا ہے، یہاں تالاب کے کنارے پر مری ہوئی مچھلیاں نگر نگم کے ملازمین کی جانب سے جمع کردی گئی ہے لیکن ان کو یہاں سے اٹھایا نہیں گیا ہے۔
یہاں لوگوں کا بدبو سے جینا دشوار ہو چکا ہے، یہاں پر مقامی لوگوں کے ساتھ ساتھ سیاح کثیر تعداد میں روزانہ تفریح کے لیے آتے ہیں۔
واضح رہے کہ اس تالاب میں آس پاس کے علاقوں کی گندے پانی گرنے کی وجہ سے مچھلیوں کی مرنے کی بات کی جا رہی ہے۔
یہاں پر روزانہ مچھلیوں کو آٹا ڈالنے کے لیے آنے والے لوگوں کا کہنا ہے کہ جس طریقے سے ہزاروں کی تعداد میں مچھلیاں مر رہی ہیں اس طرح سے پتہ چلتا ہے کہ ایک دن اس تالاب میں ایک بھی مچھلی نہیں بچے گی، اس لیے ہم حکومت سے مطالبہ کرتے ہیں کہ وہ اس پر توجہ دے تاکہ مچھلیوں کو بچایا جاسکے۔
