کوٹہ میں اب صرف ایک ہی دن رہے گا لاک ڈاؤن

راجستھان میں کوٹہ میں اب ہفتے میں دو دن کی جگہ صرف ایک ہی دن کا لاک ڈاؤن رہے گا۔

اس بارے میں آج ضلع مجسٹریٹ نے بھی اپنا اتفاق ظاہر کیا ہے۔پچھلے دو ہفتے سے اتوار اور پیر کو لاک ڈاؤن رکھنے کا فیصلہ کیا تھا۔پچھلے ہفتے کوٹہ تاجر یونین نے اس کی سخت مخالفت کی تھی۔

یونین کے صدرکرانتی جین نے بتایا کہ انتظامیہ کے اس حکم سے کوٹہ کے سبھی تاجروں میں شدید اشتعال تھا کیونکہ تاجرپہلے ہی کوویڈ 19 کے انفیکشن کی وجہ سے لاک ڈاؤن کی وجہ سے کافی نقصان اٹھا چکے ہیں اور وہ اور اقتصادی بحران کا سامنا کرنے کی حالت میں نہیں ہیں۔

مسٹر جین نے بتایاکہ یونین نے ضلع مجسٹریٹ کے سامنے اپنا احتجاج ظاہر کر کے صرف ایک دن کا لاک ڈاؤں رکھنے کا مطالبہ کیا جسے انہوں نے قبول کرلیا۔اب صرف اتوار کو ہی لاک ڈاؤن رہے گا۔انہوں نے بتایا کہ فیڈریشن کی اپیل پر کوٹہ میں تاجروں کی ایک میٹنگ ہورہی ہے جس میں کوٹہ میں لاک ڈاؤن سے پیدا حالات کا جائزہ لیا جائےگا۔

ادھر انتظامیہ ذرائع نے بتایا کہ اگلے ہفتے سے کوٹہ میں صرف اتوار کو ہی لاک ڈاؤن رہے گا،لیکن انفیکشن بڑھا تو اس پر پھر سے غور بھی کیا جاسکتا ہے۔