ریاست راجستھان میں اجمیر شریف کے شاہد خان نے پانی پر چلنے والی بائیک تیار کی ہے۔ شاہد نے اپنے ہنر و قابلیت کی بنیاد پر ایک نہیں بلکہ مختلف حیرت انگیز کارنامے کر دکھائے ہیں۔
اس مرتبہ شاہد خان نے عوام کو بارش و سیلاب سے محفوظ رکھنے کے لئے ایک ایسی بائیک تیار کی ہے جو زمین کی جگہ پانی پر چلتی ہے۔
ہنر مند نوجوان شاہد خان کا تعلق اجمیر شریف کے علاقہ لوہا خان سے ہے، آس پاس کے مقامی ان کے ہنر کو سلام کرتے ہیں۔
شاہد خان کے مطابق انہیں بچپن سے ہی مختلف انداز میں زندگی جینے کا جذبہ رہا ہے، اسی لیے انھوں نے سیلاب سے متاثرین لوگوں کو بچانے کے لئے ایسی بائیک تیار کی ہے جو پانی پر کشتی کی طرح دوڑے گی اور لوگوں کی زندگی بچانے میں کارگر ثابت ہوگی۔
شاہد خان نے اپنی بائیک کے دونوں طرف کے نچلے حصے پر پائپ کا تخت بناکر علاقے کے قریب ایک تالاب میں ڈیمو دیا اور باڑ سے بچانے کا طریقہ بھی بتایا۔
پانی پر چلنے والی بائیک کے علاوہ شاہد نے سانپ پکڑنے والی اسٹک، کھلونا جے سی بی اور آتش پر قابو پانے جیسے مختلف کارناموں کو انجام دیا ہے۔
