راجستھان کے راشٹریہ لوک تانترک پارٹی نے بھارتیہ جنتا پارٹی کی حمایت کی ہے۔ آر ایل پی کے اراکین اسمبلی کی حمایت کے تعلق سے کانگریس کی جانب سے بھی دعوی کیا جارہا تھا، لیکن بینی وال نے آج یہاں منعقدہ ہوئی بی جے پی کی میٹنگ میں نہ صرف شرکت کی بلکہ بی جے پی کی حمایت کی اور میڈیا کو واضح معلومات بھی دی۔
بینی وال نے کانگریس پر ان کے اراکین اسمبلی کو حق میں کرنے کے لیے پیسے کا لالچ دینے کا الزام بھی لگایا۔ انہوں نے کہا کہ 'ان کے اراکین اسمبلی کبھی بھی لالچ میں نہیں آنے والے اور وہ بی جے پی کو ہی ووٹ دیں گے۔
انہوں نے ریاستی حکومت پر مسائل حل نہ کرنے کا الزام عائد کرتے ہوئے کہا کہ 'کورونا وبا کے خاتمے کے بعد ریاستی حکومت کے خلاف ایک بڑی تحریک چلائی جائے گی۔
