ریاست راجستھان کے ضلع سیروہی کے ریودر تھانہ علاقہ کے کیشوا گاوں سے دور جنگل میں ایک نوجوان نے پھانسی لگا کر خود کشی کر لی۔
جائے حادثہ پر پہنچی پولیس نے لاش کو درخت سے نیچے اتار کر اپنے قبضہ میں لے لیا ہے، متوفی کے والد نے بھی 6 جون کو خودکشی کر لی تھی۔
اب والد کے بعد بیٹے انکت نے بھی پھانسی لگا کر خودکشی کر لی ہے، انکت کی 15 جون کو شادی ہونے والی تھی، موقع پر پہنچی پولیس نے لاش کو قبضہ میں لے کر پوسٹ مارٹم کے لئے بھیج دیا ہے۔
واضح رہے کہ متوفی کے والد نے خودکشی کرنے سے قبل ایک تحریر لکھی تھی جس میں انہوں نے کہا تھا کہ چند روز بعد ان کے بیٹے کی شادی ہے لیکن کورونا ڈیوٹی کے سبب افسران چھٹی نہیں دے رہے ہیں جس کے باعث وہ ذہنی پریشانی میں مبتلا ہیں۔
