راجستھان میں اشوک گہلوت حکومت گرانے کی سازش کے بارے میں آڈیو سامنے آنے کے بعد اسپیشل پروٹیکشن گروپ (ایس اوجی )نے جانچ شروع کرکے اس معاملہ میں بھارتیہ جنتاپارٹی (بی جے پی ) کے رہنما سنجے جین کو حراست میں لیاہے۔
یہ بھی پڑھیں: آڈیو کلپ معاملہ: ایس او جی نے دو ایف آئی آر درج کی
ذرائع نے بتایا کہ سرکاری چیف وہپ مہیش جوشی کی طرف سے اس معاملہ میں شکایت کی گئی تھی جس کے بعد ایس او جی نے یہ کارروائی کی ہے۔
واضح رہے کہ اس آڈیو میں حکومت گرانے کی سازش سامنے آئی ہے ۔ جس میں ایک مرکزی وزیر اور بی جے پی لیڈر سنجے جین ، رکن اسمبلی بھنور لال شرما کے مابین بات چیت ریکارڈ ہے ۔حالانکہ مسٹر شرما نے اس ویڈیو میں اپنی آواز ہونے سے انکار کیاہے۔
