ٹائیگر اور شردھا کی آنے والی فلم باغی 3 کی شوٹنگ

اجمیر کے میں واقع کشن گڑھ میں بالی ووڈ اداکار ٹائیگر شراف اور شردھا کپور کی فلم باغی 3 کی شوٹنگ ماربل صنعتی علاقے کے ماربل ڈمپنگ یارڈ میں ہوئی۔

ریاست راجستھان کے ضلع اجمیر میں واقع کشن گڑھ میں باغی 3 کا نغمہ برفیلی وادیوں والے ماربل ڈمپنگ یارڈ پر شوٹ ہوا۔

اس نغمہ کی عکس بندی سپر اسٹار ٹائیگر شراف اور شردھا کپور پر کی گئی تھی۔نغمہ 'دس بہانے کر کے لے گیا دل' کے ریمیک پر دونوں نے خوب رقص کیا اور شائقین کو خوش کردیا۔

وہیں بتایا جا رہا ہے کہ یہ شوٹنگ تیسرے مرحلے میں ہے اور ٹائیگر شراف کے آنے کی خبر ملتے ہی شائقین ماربل ڈمپنگ پہنچے، لیکن فینس کو باؤنسرز نے انٹری نہیں دی۔ جس کی وجہ سے شائقین کو مایوس لوٹنا پڑا۔

وہیں میڈیا کو بھی انٹری نہیں ملی، اس سے قبل ٹائیگر شراف نے سربیا سے 'باغی 3' کی شوٹنگ کی تصاویر شیئر کی ہیں جس میں وہ فٹ باڈی میں نظر آئے۔
کہا جارہا ہے کہ یہ فلم دو ماہ میں سینما گھروں میں ریلیز ہوگی، یعنی مارچ 2020 میں یہ فلم ریلیز ہوگی۔

اس فلم میں رتیش دیشمکھ بھی ہیں۔ گذشتہ برس ٹائیگر شراف کی فلم 'وار' باکس آفس پر ہٹ ثابت ہوئی تھی، اور اس میں وہ ریتیک روشن کے ساتھ نظر آئے تھے۔

ساتھ ہی شردھا کپور اپنی آنے والی فلم اسٹریٹ ڈانس تھری ڈی کی تشہیر میں بھی مصروف ہیں۔

اس میں وہ ایک ڈانسر کا کردار ادا کررہی ہیں۔ مرکزی کردار میں نورا فتحی اور ورون دھون ہیں۔