ریاست راجستھان کے دارالحکومت جئے پور کے شاستری نگر میں گذشتہ دیر شب سات سال کی ایک معصوم بچی کا ریپ کیاگیا اس واقعہ کی خبر ملتے ہی سیکڑوں افراد ضلع اسپتال کے باہر جمع ہوگئے۔
متاثرہ بچی کا علاج جے کے لون اسپتال میں جاری ہے، اس واقعہ کی اطلاع ملنے پر سینکڑوں کی تعداد میں لوگوں نے کاؤنٹیہ سرکل پہنچ گئے اور سڑک جام کردیا، اس علاقے میں بڑی تعداد میں پولیس نفری تعینات کی گئی۔
بتایا جاتا ہے کہ' ملزم نے پہلے بچی کو گھر سے اغوا کیا اور پھر اسے ایک سنسان جگہ لے گیا اور اس کی جنسی زیادتی کی، تقریباً ایک گھنٹے کے بعد لڑکی کو اس کے گھر کے باہر لہولہان حالت میں پھینک کر فرار ہوگیا۔
اہل خانہ نے بچی کو فوری طور پر کاؤنٹیہ اسپتال میں داخل کرایا جہاں حالت زیادہ خراب ہونے پر ڈاکٹروں نے اسے جے کے لون اسپتال منتقل کردیا۔
اس واقعہ کی خبر ملتے ہی سینکڑوں افراد کانٹیہ سرکل کے پاس جمع ہوگئے اور جام لگانے کے بعد نعرے بازی شروع کردی۔
پولیس نے ماحول خراب ہوتے دیکھ کر پولیس فورس کو اسپتال کے باہر تعینات کردیا۔
جس کے بعد پولیس کے اعلی افسران نے لوگوں کو سمجھا بجھاکرروانہ کیا۔
فی الحال پولیس نے مقدمہ درج کرکے مفرور ملزم کی تلاش شروع کردی ہے۔
واقعہ کے دوسرے دن آج لوگوں کا کہنا ہے کہ جس طرح سے رات کو ماحول خراب ہوا ہے وہ سب پولیس کے سامنے ہوا اس کے باوجود پولیس نے کسی طرح کی کاروائی نہیں کی حالانکہ اس پورے معاملے میں پولیس نے ایک درجن سے زیادہ افراد کو حراست میں لیا ہے۔
